اردوئے معلیٰ

Search

نبی نے بلایا ہے الحمد للہ

وہ روضہ دکھایا ہے الحمد للہ

 

شہِ دوسرا نے وہ جامِ زیارت

ہمیں بھی پلایا ہے الحمد للہ

 

وہ آقا کے روضے کا پُر نور منظر

نظر میں سمایا ہے الحمد للہ

 

لگائی جو سینے سے پیاری سی جالی

بڑا لطف آیا ہے الحمد للہ

 

برستی ہے طیبہ میں نورانی بارش

سماں جگمگایا ہے الحمد للہ

 

غلامی ملی ہے محمد کے در کی

بڑا بخت پایا ہے الحمد للہ

 

نبی کی محبت کا دل کے نگرمیں

دیا اک جلایا ہے الحمد للہ

 

وہ تشریف لائیں گے شاہِ دو عالم

تو گھر کو سجایا ہے الحمد للہ

 

کہ آقا کی چشمِ کرم ناز پر ہے

بہت فیض پایا ہے الحمد للہ

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ