اردوئے معلیٰ

Search

نبی کے نام سے تابندگی ہے آٹھوں پہر

اُنہی کے ذکر سے یہ روشنی ہے آٹھوں پہر

 

مرے حضور کی مدح و ثناء کے صدقے میں

گلوں میں رنگ ہے اور تازگی ہے آٹھوں پہر

 

دیارِ سیّد والا میں دیکھ لو جا کر

عجیب شان کی اِک دلکشی ہے آٹھوں پہر

 

کہ جس زمین کو جنت بنا دیا رب نے

وہی زمین مجھے کھینچتی ہے آٹھوں پہر

 

درِ رسول سے سب پا رہے ہیں من کی مراد

بس ایک بھیڑ سی ہر دم لگی ہے آٹھوں پہر

 

ہے میرے حال پہ بھی خاص رحمتوں کا نزول

مری زبان پہ نعتِ نبی ہے آٹھوں پہر

 

ہر ایک شے ہے وہاں کی سکون کی ضامن

وہاں تو زندگی ہی زندگی ہے آٹھوں پہر

 

درِ حضور پہ خاکیؔ غموں کا ذکر عبث

وہاں تو صرف خوشی ہی خوشی ہے آٹھوں پہر

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ