اردوئے معلیٰ

Search

نثار دل ہو درودوں پہ جان نعت میں ہو

تو کیوں نہ نامہِ اعمال دائیں ہات میں ہو

 

وہ جس کے صدقے میں تخلیق دو جہاں ہوئے ہیں

دکھاؤ کوئی اگر ایسا کائنات میں ہو

 

جو ان کے در پہ کھڑا ہو کے ہاتھ پھیلاؤں

دعا کا حسنِ پذیرائی شش جہات میں ہو

 

میں چاہتا ہوں کہ جب حرفِ میم لکھنا ہو

قلم ڈبوؤں تو یہ دل مِرا دوات میں ہو

 

تمام ہونے سے پہلے زیارتوں کی کتاب

سفر مدینے کا ، ان کی نوازشات میں ہو

 

برائے جسم بجز آپکے نہیں ممکن

سفر ہو صدیوں کا اور طے بس ایک رات میں ہو

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ