اردوئے معلیٰ

Search

نعت جب تحریر کی الفاظ تارے بن گئے

پھر مرے اشعار بخشش کے سہارے بن گئے

 

پیش کیں جب آپ کو صلِ علیٰ کی ڈالیاں

خوبصورت میری آنکھوں میں نظارے بن گئے

 

دیکھتی ہی رہ گئیں حسرت سے ساری دائیاں

جب مرے آقا حلیمہ کے دلارے بن گئے

 

جب امامت کے لیے اقصیٰ میں آئے مصطفیٰ

مقتدی پھر انبیا سارے کے سارے بن گئے

 

ہم سے کیا توصیف ہوگی سیدِ کونین کی

مدح خواں قرآن کے سارے ہی پارے بن گئے

 

عاصیوں کے واسطے روتے رہے شاہِ امم

روزِ محشر ناز وہ شافع ہمارے بن گئے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ