اردوئے معلیٰ

Search

نعت کہنا شعار ہو جائے

زندگی میں قرار ہو جائے

 

اپنے آقا کی میں ثنا لکھ لوں

جب سخن نور بار ہو جائے

 

کاش در پر بلائیں شاہِ امم

یہ کرم بار بار ہو جائے

 

اُس کی قسمت عروج پر ہوگی

جس کو آقا سے پیار ہو جائے

 

آپ آئیں جو دل کے حُجرے میں

وہ گھڑی یاد گار ہو جائے

 

اپنی تو بس یہی تمنا ہے

جان اُن پر نثار ہو جائے

 

سیدہ پاک کی کنیزوں میں

ناز تیرا شمار ہو جائے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ