اردوئے معلیٰ

Search

نگاہ عشق نے در آگہی کا وا دیکھا

مرے یقین نے ہر ایک جا خدا دیکھا

 

مرے شعور کو شاداب کر گیا منظر

حرم میں عالم ہستی کا آسرا دیکھا

 

قسم ہے میرے خدا تیری پاک ہستی کی

ترے ہی ذکر سے بندوں کو جھُومتا دیکھا

 

ہر ایک آنکھ میں اشکوں کی کیا روانی تھی

بڑے بڑوں کو ترے در سے مانگتا دیکھا

 

لگا کچھ ایسے کہ جنت میں آ گیا ہوں گلؔ

حرم میں حسن کا منظر جو شام کا دیکھا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ