اردوئے معلیٰ

Search

نہیں دل کے مدینے میں کوئی جلوہ نہاں اُس کا

مرے اللہ نے جو ہے دیا، قابل کہاں اُس کا

 

مرے اللہ کی ہے تحفتاً مجھ کو عنایت جو

جمالِ زندگی میں بندگی، دل کا جہاں اُس کا

 

لگے جب ضرب اللہ ہو، جو سینے میں تو مومن کا

بدن شاداب ہو اور کیوں نہ ہو دل شادماں اُس کا

 

میں سجدوں میں دعا مانگوں مرا رازق وہ خالق ہے

میں آدم اُس کی قدرت ہوں، ہے میرا آشیاں اُس کا

 

وہ گل موجود ہیں ذروں میں اپنی شانِ قدرت سے

ہے دو عالم میں جو کچھ بھی عیاں ہے یا نہاں اُس کا

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ