اردوئے معلیٰ

Search

نہیں عظیم کوئی در حضور کے در سے

ملی زمانے کو عزت درِ پیمبر سے

 

زمانے بھر میں ہر اک سمت ہے پریشانی

سکون پاتا ہے دل بس حضور کے در سے

 

ملائکہ سے بشر تک یہ بات ہے مشہور

’’حیا کا آئینہ چمکا نبی کی دختر سے‘‘

 

نبی کی عظمتیں کچھ اور بھی ہوئیں واضح

صدا جو مکے میں کلمے کی گونجی کنکر سے

 

میں پنجتن کی گدائی کروں نہ کیوں زاہدؔ

کہ جو بھی مجھ کو ملا ہے ملا اسی گھر سے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ