اردوئے معلیٰ

Search

والقمر والضحی پڑھا کیجیئے

پڑھ نہیں سکتے تو سنا کیجیئے

 

ان کی الفت میں ہی رہا کیجیئے

مدحت شاہ انبیاء کیجیئے

 

جس جگہ تذکرہ ہو آقا کا

باادب بیٹھ کر سنا کیجیئے

 

جو گرفتارِ عشقِ احمد ہے

وہ یہ کہتا نہیں” رہا کیجیئے

 

لکھ سکوں نعت آپکی جس سے

وہ قلم یا نبی عطا کیجیئے

 

وہ سنا کرتے ہیں صدا سب کی

شرط ہے دل سے بس صدا کیجیئے

 

مدحتِ مصطفی کرینگے ہم

آپ جلتے ہیں تو جلا کیجیئے

 

اسم احمد زباں پہ جب آئے

لب سے لب کو ملا لیا کیجیئے

 

جو بھی دشمن ہیں میرے آقا کے

ان سے ہرگز نہیں ملا کیجیئے

 

سر اٹھا کر چلیں مگر سنیۓ

نظریں نیچی کئے چلا کیجیئے

 

مرے ماں باپ کو شفاء دے خدا

سارے احباب یہ دعا کیجیئے

 

اپنے دامن سے روزِ محشر میں

سایہ ارقم پہ بس شہا کیجیئے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ