اردوئے معلیٰ

وصف سرکار کے بیاں کیجئے

وصف سرکار کے بیاں کیجئے

اپنی تحریر جاوداں کیجئے

 

مشعلیں جھلملائیں آنکھوں کی

مدحتِ شاہِ مرسلاں کیجئے

 

بھیج کر ان پہ بار بار درود

اپنے سینے کو ضوفشاں کیجئے

 

جب بھی مرجھائیں پھول ہونٹوں کے

​نام نامی کو حرزِ جاں کیجئے

 

انکے صدقے میں کیا نہیں ملتا

ڈھنگ سے مدعا بیاں کیجئے

 

ان کی رحمت وہاں وہاں ہوگی

یاد ان کو جہاں جہاں کیجئے

 

ڈوب کر آسؔ ان کی الفت میں

ذہن کو بحر بیکراں کیجئے

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ