اردوئے معلیٰ

Search

وہی ہے خوف جو کم مائیگی کا ہوتا ہے

وگرنہ شوق تو نعتِ نبی کا ہوتا ہے

 

میں چاہتا ہوں کہ تشبیب سے گریز کروں

اگر تو حکم قصیدہ گری کا ہوتا ہے

 

میں زندہ نعت لکھوں اور زندہ رہ جاؤں

وگرنہ فائدہ کیا شاعری کا ہوتا ہے

 

یہ اک سبق بھی پیمبر سے روشنی کو ملا

کہ سب سے تیز سفر جسم ہی کا ہوتا ہے

 

فراق شہر نبی کی بھی قدر کر مرے دوست

عجیب ذائقہ اس تشنگی کا ہوتا ہے

 

سعودؔ نعت کا رتبہ وہی ہے شاعری میں

جو ساری خلق میں پیغمبری کا ہوتا ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ