اردوئے معلیٰ

Search

وہ جو اک شخص مجھے طعنہء جاں دیتا ہے

مرنے لگتا ہوں تو مرنے بھی کہاں دیتا ہے

 

تری شرطوں پہ ہی کرنا ہے اگر تجھ کو قبول

یہ سہولت تو مجھے سارا جہاں دیتا ہے

 

تم جسے آگ کا تریاق سمجھ لیتے ہو

دینے لگ جائے تو پانی بھی دھواں دیتا ہے

 

نا روا لاکھ سہی اپنی امامت لیکن

اس پہ واجب ہے جو صحرا میں اذاں دیتا ہے

 

جم کے چلتا ہوں زمیں پر جو میں آسانی سے

یہ ہنر مجھ کو مرابار ِگراں دیتا ہے

 

ہاں اگر پیاس کا ڈھنڈورا نہ پیٹا جائے

پھر تو پیاسے کو بھی آواز کنواں دیتا ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ