اردوئے معلیٰ

وہ ذات اعلیٰ و ارفع محمد نام ہے جس کا

کفر کو دور کرنا اس جہاں سے کام ہے جس کا

 

عرب میں ہو گیا مبعوث وہ ختم الرسل بن کر

خد اکو ایک مانو بس یہی پیغام ہے جس کا

 

طریقہ سیدھا سادہ دے دیا دنیا کو جینے کا

یہ ساری آدمیت کے لیے انعام ہے جس کا

 

کیا نازل خدا نے وہ صحیفہ شک نہیں جس میں

زمانے بھر میں جاری آج فیضِ عام ہے جس کا

 

خدا کا شکر ہے امت میں ہوں ایسے پیغمبر کی

کہ سب نبیوں رسولوں میں بڑا اکرام ہے جس کا

 

الہٰی وقتِ آخر کلمۂ طیب زباں پر ہو

وہی انسان اچھا ہے کہ نیک انجام ہے جس کا

 

ملی دنیا و عقبیٰ میں اُسے ایمان کی دولت

مے توحید سے لبریز ہر دم جام ہے جس کا

 

اُسے اے نورؔ کیوں ہو خوفِ پرسش روزِ محشر میں

محمد جس کا آقا اور دین اسلام ہے جس کا

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات