اردوئے معلیٰ

Search

وہ میرے پاس آ کے حال جب معلوم کرتے ہیں

گزرتی ہے جو مجھ پر لوگ سب معلوم کرتے ہیں

 

رقیب اس کو بناتے ہیں جو ہو اونچے گھرانے سے

محبت میں بھی ہم نام و نسب معلوم کرتے ہیں

 

جب آنکھیں بھیگ جاتی ہیں تری ، تو یار یاروں کے

گریباں ہاتھ میں لے کر سبب معلوم کرتے ہیں

 

ہم آدابِ محبت کی حدوں کو پار کرنے پر

کہاں پر رہ گئی حد ادب معلوم کرتے ہیں

 

وہ میرے پاس پھر سے آ گیا ، لیکن زرا ٹھہرے

مرے دل کو ہے اب کتنی طلب معلوم کرتے ہیں؟

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ