اردوئے معلیٰ

Search

پلنگ ایک الگ لحاف

قبولیت نہ انحراف

 

بچھڑنا چاہئے ہمیں

تو یوں کہو نا صاف صاف

 

اگر تو تیغ پھینک دے

تجھے مرا لہو معاف

 

ادھر ذرا سی بات کی

ادھر کسی کا موڈ آف

 

میں اس کی جیب کا بٹن

وہ میرے ہاتھ کا شگاف

 

اتر کے جھیل میں بھی ہم

ہیں زیرِ آب ناف ناف

 

پرانی آشنائی پر

بہت جچے گا اختلاف

 

وہ کیا کتاب کھولتے

جو چومتے رہے غلاف

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ