اردوئے معلیٰ

Search

پُر لطف زندگی ہے مری لاجواب ہے

مجھ پر مرے خدا کا کرم بے حساب ہے

 

رہتا ہے مرے دل میں خدا اور مصطفیٰ

خوشبو مرے وجود میں مثلِ گلاب ہے

 

واحد تو لاشریک تری شان اے خدا

تیری تجلیات میں میرے جناب ہے

 

مٹی کے ہر وجود کو کیا کچھ نہیں عطا

یہ چاند ، کہکشاں یہ ترا آفتاب ہے

 

ارض وسما میں تو ہے تری شانِ کبریا

جینے کی ہر ادا کو عطا بھی نصاب ہے

 

اللہ تیری شان کو دیکھوں میں رات دن

کعبے کے ہر طواف میں گل کامیاب ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ