اردوئے معلیٰ

Search

 

پڑا ہے اسمِ نبی سے رواج حرفوں کا

رہے گا صفحۂ ہستی پہ راج حرفوں کا

 

جلا رہا ہوں چراغِ ثنائے سرورِ دیں

لحد میں جاؤں گا لے کر سراج حرفوں کا

 

پلا کے لفظ کی تلخی کو جام مدحت کے

بنا رہا ہوں میں شیریں، مزاج حرفوں کا

 

یہ حرفِ نعت زیارت گہِ ملائک ہوں

کریں جو اشکِ رواں اندراج حرفوں کا

 

جبینِ دل پہ فروزاں ہے اسمِ شاہِ زمن

سجا ہے دل پہ قرینے سے تاج حرفوں کا

 

ملا ہے اذنِ حضوری ملا ہے اذنِ ثناء

فلک نشین مقدر ہے آج حرفوں کا

 

رہے گا تا بہ ابد ذکرِ سرورِ عالم

چلے گا تا بہ ابد کام کاج حرفوں کا

 

وہ ایک حرفِ تسلی سے ٹھیک کر دیں گے

مریضِ غم کو ملے گا علاج حرفوں کا

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ