اردوئے معلیٰ

Search

چشمِ عالم نے وہ شانِ شہِ بطحا دیکھی

ان کی ناموس پہ مرتے ہوئے دنیا دیکھی

 

جس کی موسیٰؑ نے فقط ایک تجلی دیکھی

تو نے وہ ذات سرِ عرشِ معلٰی دیکھی

 

جن کا بستر تھا چٹائی کا، غذا نانِ جویں

ان کی دہلیز پہ جھکتے ہوئے دنیا دیکھی

 

خانہ کعبہ میں وہ پتھر کے پجاری بندے

سب نے اللہ کو مانا تری دیکھا دیکھی

 

تیرے خالق نے تجھے ایسا بنایا ہے کہ بس

روئے عالم پہ تری ذات ہی یکتا دیکھی

 

ان کی دہلیز پہ آ جائے مجھے کاش اجل

دلِ مضطر کی جلیل ایک تمنا دیکھی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ