اردوئے معلیٰ

Search

چلا ہے شان سے کربل ، جگر حسینؓ کا ہے

بہت کٹھن ہے مگر یہ سفر حسینؓ کا ہے

 

تجھے بتاؤں کہ کربل کا فائدہ کیا ہے؟

جو دین زندہ ہے اب ، یہ اثر حسینؓ کا ہے

 

وہ شاہِ خلد ہیں سردار نوجوانوں کے

خدا سے پیار کا ایسا اجر حسینؓ کا ہے

 

جو جا رہے ہو اگر سوئے کربلا لوگو

ادب سے سر کو جھکاؤ نگر حسینؓ کا ہے

 

فرات روتا رہا پر نہ ایک قطرہ لیا

سلام اس پہ کے سب خشک و تر حسینؓ کا ہے

 

عطا کو زیب کہ لکھے ضرور شانِ حسینؓ

گناہ گار سہی پر پسر حسینؓ کا ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ