چُن چُن مَیں حرفاں دے موتی ہار بناواں نعتاں دے
چھم چھم برسے کرم نبی دا موسم نے برساتاں دے
ربّ تے رسول دی رحمت شفقت میرے گھر وچ رہندی اے
مَیں صدقے تے واری جاواں دونواں ایہناں ذاتاں دے
دِل دے ویہڑے شام سویرے نعت دی محفل سج دی اے
چھیڑاں ذکر مدینے دا تے لگدے ڈھیر سوغا تاں دے
پَل پَل آوے یاد مدینہ سوہنے دن اوہو بُھل دے نئیں
اَکھیاں وِچ سمائے منظر جگمگ کر دیاں راتاں دے
غوثاں قطباں ولیاں لوکاں دَر تے ڈیرے لائے نے
ہر دَم پاؤ ندے فیض حضوری طالب نے خیراتاں دے
جتھے سوہنا جھاتی پاوے کفر ہنیر ے مُک دے نے
سارے پاسے چانن ہوندے نوری نوری با تاں دے
آپ دی نسبت دا سرمایہ ضامن میری بخشش دا
ناز نے کرنے ناز کی آقا حجاں صوم صلاتاں دے
