کامل ہو نہ کیوں دانش و عرفان محمد
ہر چیز کا تبیان ہے قرآنِ محمد
ثُعبان کلیمی نے تو کھائے تھے فقط سانپ
امت کے گنہ کھاتا ہے شَعبانِ محمد
بدّو پہ بھی پڑ جائے اگر چشمِ عنایت
کہہ اٹھے زمانہ اسے لقمانِ محمد
اس شمع کمالات کا پروانہ ہے کردار
ہے بلبلِ گفتار ثنا خوانِ محمد
معروف ہے وہ مژدہ کہ ” آزاد ہو تم سب ”
مشہور ہے ” صِل قاطِعَ ” فرمانِ محمد
کربل سے عیاں نقشۂ فردوس بریں ہے
گلزارِ گرِ دشت ہے ریحانِ محمد
برہانِ الٰہی ہیں محمد تو معظمؔ
اور میرے رضا خان ہیں برہان محمد
