کامِل ترین اُسوہ کے پیکر سلام ہو

کامِل ترین اُسوہ کے پیکر سلام ہو

اے ساری کائنات کے سرور سلام ہو

 

بس آپ ہیں اِلٰہَ کی رحمت جہان میں

بس آپ ہی ہیں خَلق کے رہبر سلام ہو

 

حُسنِ سلوک، جُود و سخا میں بھی، خُلق میں

کوئی نہیں ہے آپ سے بڑھ کر سلام ہو

 

ظُلمت کدوں میں صِدق و صَفا کا یہ سلسلہ

ہے آپ سے ہی روشنی انور سلام ہو

 

ہیں آخری نبی بھی، رسولوں کے بھی رسول

دُنیا میں رب کے فضل کے مظہر سلام ہو

 

تقدیسِ دِین، مُحسنِ اعلیٰ، امیرِ کُل

اے رب کے بعد سب سے ہی اکبر سلام ہو

 

ایماں کی اصل، صبر و رضاؔ، آگہی کا نُور

رحمت ہیں آپ ہی شہِ کوثر سلام ہو

یہ نگارش اپنے دوست احباب سے شریک کیجیے
Share on facebook
Share on twitter
Share on whatsapp
Share on telegram
Share on email

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے

متعلقہ اشاعتیں

نبی کے آستاں سے ربّ ملا ہے
میں بے بس و لاچار ہوں، بیمار بہت ہوں
شکر صد شکر کہ حاصل ہے یہ نعمت آقا
آپ کی نعت ہار پھولوں کا
ابھی تو عرض نے کھینچی نہ تھی نوائے نَو
شب گزیدہ زیست میں وجہِ ضیا ہے بالیقیں
لہجے کو دے سخن الگ، حرفوں کو بانکپن جُدا
میں ، مری آنکھیں ، تمنائے زیارت ، روشنی
ہوجائے میری حاضری طیبہ نصیب سے
لو لگا پیارے نبی سے شاہوں کے دربار چھوڑ

اشتہارات