اردوئے معلیٰ

Search

کتنا سادہ بھی ہے سچا بھی ہے معیار ان کا

ان کی گفتار کا آئینہ ہے کردار ان کا

 

ان کے پیکر میں محبت کو ملی ہے تجسیم

پیار کرتا ہے ہر انساں سے ، پرستار ان کا

 

امتیازات مٹانے کے لیے آپ آئے

ظلم کی آگ بجھانے کے لئے آپ آئے

 

آدمیت سے تھا محروم گلستانِ حیات

اور یہ پھول کھلانے کے لیے آپ آئے

 

آپ کے دامنِ رحمت کا سہارا ہے مجھے

میں حکومت کی عنایت کا طلبگار نہیں

 

آپ کے سامنے کرتا ہوں یہ اعلان کہ میں

حق پرستی سے جو باز آؤں تو فنکار نہیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ