اردوئے معلیٰ

Search

کدی لے جاوے محبوبا خدا مینوں نگر تیرے

مڑن دی نہ کدی ڈھیوے سزا مینوں نگر تیرے

 

جہانوں ودھ کے پاپی نوں جدوں نہ گل کسے لایا

زمانہ پھر کے لے آئی خطا مینوں نگر تیرے

 

کدوں اپنے مریضاں نوں پڑی دیسیں زیارت دی

کدوں ملسی ایہ نیناں دی دوا مینوں نگر تیرے

 

میں لے کے پر عقیدت دے پُرے دے نال اُڈ جاواں

پکڑ کے انگلی لے جاوے پُرا مینوں نگر تیرے

 

غماں دے مارے نوں آقا کدی آکھو چا جی آیاں

مزا آوے وچھوڑا دا بڑا مینوں نگر تیرے

 

میں سوچاں نوں بٹھا دیناں ثنا دے جد کٹوہلے وچ

تصور وچ اے لے جاندی ثنا مینوں نگر تیرے

 

قدم اعجازؔ آ چمے مقدر دا سکندر وی

کدی جے دفن کر دیوے قضا مینوں نگر تیرے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ