اردوئے معلیٰ

کرو نہ واعظو! ، حور و قصور کی باتیں

سناؤ مجھ کو فقط تم حضور کی باتیں

 

کبھی ہو ذکرِ مدینہ کبھی ہو ذکرِ رسول

تمام عمر ہوں ایسی سرور کی باتیں

 

زبور ہو کہ ہو توریت یا کہ ہو انجیل

ہوئی ہیں سب میں نبی کے ظہور کی باتیں

 

خدا کا شکر کہ ایمان بالیقیں ہے مِرا

حضور سنتے ہیں نزدیک و دور کی باتیں

 

عطا ہوئی ہیں پیمبر کو عظمتیں کیا کیا

نہیں احاطۂ عقل و شعور کی باتیں

 

ہوئی جو آپ کو معراج اس کا کیا کہنا

اگرچہ حق ہیں وہ موسیٰ سے طور کی باتیں

 

کلامِ پاک میں میرے خدا نے کیں آصف

حضور ہی کے حوالے سے نور کی باتیں

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات