اردوئے معلیٰ

کس نے ذروں کو اٹھایا اور صحرا کر دیا

کس نے ذروں کو اٹھایا اور صحرا کر دیا

کس نے قطروں کو ملایا اور دریا کر دیا

 

زندہ ہوجاتے ہیں جو مرتے ہیں اس کے نام پر

اللہ اللہ موت کو کس نے مسیحا کردیا

 

شوکت مغرور کا کس شخص نے توڑا طلسم

منہدم کس نے الہٰی قصر کسریٰ کردیا

 

کس کی حکمت نے یتیموں کو کیا در یتیم

اور غلاموں کو زمانے بھر کا مولا کر دیا

 

آدمیت کا غرض ساماں مہیا کر دیا

اک عرب نے آدمی کا بول بالا کر دیا

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ