اردوئے معلیٰ

کلامِ احمدِ مرسل سمندر ہے لطافت کا

نزاکت کا، نفاست کا فصاحت کا بلاغت کا

 

شہِ کونین کا دل عہدِ طفلی ہی سے تھا مخزن

ریاضت کا، عبادت کا، محبت کا، قناعت کا

 

خدا نے سب سے پہلے کر رکھا تھا خاتمہ شہ پر

نبوت کا، رسالت کا، ہدایت کا، شفاعت کا

 

نبی اُمّی نے سکھلایا سبھوں کو قاعدہ آ کر

اطاعت کا، امارت کا، ریاست کا، سیاست کا

 

سنایا غازیانِ صف شکن کو شاہ نے مژدہ

قیادت کا، بشاشت کا، سعادت کا، شہادت کا

 

بڑھے پھر کیوں نہ دینِ مصطفٰے ہے وعدہ خالق

حفاظت کا، حمایت کا، اعانت کا، اشاعت کا

 

خدا نے ذاتِ احمد کو کیا کاملِ عجب دریا

شرافت کا، صداقت کا، سخاوت کا، شجاعت کا

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات