اردوئے معلیٰ

Search

کل جہاناں دی میں شاہی تے عطاواں کیہ کراں

نین جے توں نہ ملاویں میں نگاہواں کیہ کراں

 

جے کھِلارے نہ حبیبا مکھ دا تارا چاننا

میں نصیباں دے فلک تے کہکشاواں کیہ کراں

 

بجھ گئے تے میں نئیں بچنا بلدے رہے ککھ بچنا نئیں

عشق دے لنبو بجھاواں نہ بجھاواں کیہ کراں

 

کول تیرے سوہنیا میں جوڑیاں دی دھوڑ توں

مینہ شعراں دے وساواں نہ وساواں کیہ کراں

 

واء پچھیندی کر لواں خود نوں معطر سوہنیا

زلف دے کنڈل ہلاواں نہ ہلاواں کیہ کراں

 

کن چریٔ جانے فلک دے بولی ہو جانی زمیں

کُوک آقا میں سناواں نہ سناواں کیہ کراں

 

کھول کے اعجازؔ دل دا بوہا ویکھاں آپ نوں

طاق دل دے پھر بھواواں نہ بھواواں کیہ کراں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ