اردوئے معلیٰ

Search

کمال نین بتیرے کمال کر دے نیں

کمال توں وی اگیرے کمال کر دے نیں

 

بہار جگ نوں جو ونڈ دے ہلارے زلفاں دے

مِری نظر دے چفیرے کمال کر دے نیں

 

ہنیرے دل دے نگر توں حبیبا مک جاندے

تری گلی دے سویرے کمال کر دے نیں

 

طغٰی دے ڈورے کٹورے بھرے نیں مستی دے

بھُلا کے درد گھنیرے کمال کر دے نیں

 

فلک دے چن نوں وی چیرن اشارے انگلی دے

مِرے جگر تے بتیرے کمال کر دے نیں

 

مِرے نصیب نوں لاون کنارے خشیاں دے

ترے غماں دے وہیرے کمال کر دے نیں

 

ترے خیال دے اعجازؔ پنچھی بہہ بہہ کے

مِرے سخن دے بنیرے کمال کر دے نیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ