اردوئے معلیٰ

Search

کوئی قسمت والا بن دا اے مہمان مدینے والے دا

ہوندا اے کرم خوش بختاں تے سلطان مدینے والے دا

 

عرشی بے چین سلامی نوں فرشی بے چین غلامی نوں

اللہ ہی بہتر جاندا اے کی شان مدینے والے دا

 

سر کار دے منّن والیاں دی تاریخ گواہی دیندی اے

کر دا اےحکومت دنیا تے دربان مدینے والے دا

 

طیبہ دے مسافر چلّے نیں سوہنے دے در ولےّ نیں

سوہنے دِیاں یا داں پلّے نیں سامان مدینے والے دا

 

سینے وچ یاد مدینے دی لباں تے نام محمد دا

میرے تے ظہؔوری کڈا اے احسان مدینے والے دا

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ