اردوئے معلیٰ

Search

کوئی مثال ہو تو کہیں بھی کہ اس طرح

افسوس تم نے ہجر کے نوحے نہیں سُنے

 

ہم نے سفر چنے تھے کبھی جس کے زعم میں

اس نے ہماری راہ کے کانٹے نہیں چُنے

 

نیندیں تمام عمر رفو مانگتی رہیں

دل نے تمام عمر فقط خواب ہی بُنے

 

گویا کہ اس پہ شامِ الم ہی نہیں ڈھلی

جو یہ کلام سنتے ہوئے سر نہیں دُھنے

 

ممکن کہاں کہ عمر تخیل کا ساتھ دے

ہم چھوڑ جائیں گے کئی اشعار اَن سُنے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ