اردوئے معلیٰ

Search

کوئے محبوب کی گدائی ملے

درِ سرکار تک رسائی ملے

 

آپ کے در سے، آپ کے گھر سے

علم و عرفان و پارسائی ملے

 

رہ گم گشتگاں کو ہر لمحہ

آپ کے در سے رہنمائی ملے

 

کعبۃ اللہ، جلال کا مظہر

آپ کے در سے دِلکشائی ملے

 

صوت و آہنگ و حرف و معنی کو

ذِکرِ احمد سے خوش نوائی ملے

 

آپ کے فیض سے سبھی انساں

بن کے آپس میں بھائی بھائی ملے

 

آپ کے در کی چاکری پہ ظفرؔ

وار دوں گر مجھے خُدائی ملے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ