اردوئے معلیٰ

Search

کون ایسا ہے جسے خیر وریٰ نے نہ دیا

کوئی ایسا بھی ہے کیا جس کو خدا نے نہ دیا

 

جس کو تم نے دیا اللہ نے اُس کو بخشا

جس کو تم نے نہ دیا اُس کو خدا نے نہ دیا

 

آپ کے رب نے دیا آپ کو فضلِ کلّی

وہ دیا تم کو جو اوروں کو خدا نے نہ دیا

 

وہ فضائل تمھیں بخشے ہیں خُدا نے جن کا

آپ کے غیر میں امکان بھی آنے نہ دیا

 

مثل ممکن ہی نہیں ہے تِرا اے لاثانی

وہم نے بھی تو تِرا مثل سما نے نہ دیا

 

سب مطالب مِرے بر آئے کرم سے اُن کے

کوئی مطلب بھی مِرے دل کا بر آنے نہ دیا

 

کسیی پُر نور ہے جنّت کی فضا اے نوؔری

پھر بھی طیبہ کا مزہ اس کی فضا نے نہ دیا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ