اردوئے معلیٰ

کُفر کی تاریک راتوں کو مٹایا آپ نے

عبد کو معبود سے آ کر ملایا آپ نے

 

سنگ باروں کو عطا کی اپنی رحمت کی قبا

دشمنِ جاں کو بھی یاروں میں بٹھایا آپ نے

 

ماؤں ، بہنوں ، بیٹیوں کو قابلِ عزت کیا

بے نواؤں اور یتیموں سے نبھایا آپ نے

 

اسوئہ کامل دیا اک ضابطہ اخلاق کا

نسلِ آدم کو سبق دیں کا پڑھایا آپ نے

 

دستِ اقدس کے اشارے سے میرے پیارے نبی

چاند دو ٹکڑے کیا ، سورج پھرایا آپ نے

 

ہیں بڑے خوش بخت سے وہ لوگ آقائے رضاؔ

جن کو اپنے نور کا جلوہ دکھایا آپ نے

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات