اردوئے معلیٰ

کہیں عید ،ہولی ،دِوالی ،محبت

کہیں عید ،ہولی ،دِوالی ،محبت

جہاں ہم نے پائی منا لی محبت

 

جواں کر کے ہاتھوں سے رخصت کیا تھا

یہ دن دیکھنے کو تھی پالی محبت؟

 

محبت کی مہریں کرو ثبت اتنی

پتہ ناں چلے کہ ہے جعلی محبت

 

نہیں میں نے کرنی، لو میں باز آئی

وہ کرنے کو کہتا ہے خالی محبت

 

کچھ اُس نے بھی رُکنا رُکانا نہیں تھا

سوہم نے بھی کر لی کرا لی محبت

 

تھی غیرت کی دیوار اونچی، مجھے کیا؟

تھی میری سو میں نے اُٹھالی محبت

 

وفا اور انا ، ناں اکٹھے ملے تو

مجھے یاد آئی وہ والی محبت

 

ابھی بھی مجھے یاد آتی ہے اکثر

بہت تنگ کرتی ہے سالی محبت

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ