اردوئے معلیٰ

Search

کیا کچھ نہیں ملتا ہے بھلا آپ کے در سے

پاتے ہیں سبھی شاہ و گدا آپ کے در سے

 

یوں بٹتی ہے سوغاتِ سخا آپ کے در سے

کوئی نہیں محرومِ عطا آپ کے در سے

 

خورشید و قمر اور چمکتے ہوئے تارے

روشن ہوئے سب لے کے ضیا آپ کے در سے

 

صد شکر کہ میں بھی ہوں گدا آپ کے در کا

صد فخر کہ جو کچھ بھی ملا آپ کے در سے

 

آجاؤ لیے جاؤ مری آل کا صدقہ

آتی ہے یہ ہر وقت صدا آپ کے در سے

 

امت کو کئے جاتی ہے سیراب برابر

رحمت کی چلی ایسی گھٹا آپ کے در سے

 

پھر اور کسی در کی نہ حاجت رہی اس کو

آصف جو بھی وابستہ ہوا آپ کے در سے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ