اردوئے معلیٰ

Search

کیا کہوں کیا بتا دیا تو نے

مجھ کو جینا سکھا دیا تو نے

 

سر تو جھکتا تھا سامنے رب کے

دل بھی میرا جھکا دیا تو نے

 

حق و باطل کا درس تو نے دیا

راہ حق کا پتہ دیا تو نے

 

اور کیا چاہئے مجھے پھر اب

مجھ کو میرا خدا دیا تو نے

 

ہر طرف بے وفا تھے دنیا میں

آ کے درس وفا دیا تو نے

 

پیار الفت خلوص و مہرو وفا

جو دیا مصطفی دیا تو نے

 

دیکھ سکتا نہیں تھا میں مجھ کو

سامنے آئینہ دیا تو نے

 

اپنے خالق سے کٹ گیا تھا بشر

اس کو رب سے ملا دیا تو نے

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ