اردوئے معلیٰ

Search

کیسے آوٗں میں تیری بانہوں میں

عشق شامل نہ کر گناہوں میں

 

خواب سوتے ہیں اب بھی چپکے سے

میری آنکھوں کی خواب گاہوں میں

 

ساتھ چلنے کا عہد کر تو چلوں

چھوڑ جاتے ہیں لوگ راہوں میں

 

جن میں دیکھا تھا بارہا خود کو

اجنبیت تھی ان نگاہوں میں

 

مت حقارت سے دیکھ دست-طلب

ہم بھی شامل تھے بادشاہوں میں

 

وہ صف- دشمناں میں تھا کومل

شہر پورا تھا خیر خواہوں میں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ