اردوئے معلیٰ

Search

کیہ گل کراں مدینے دے میں اُس بزار دی

جنت وی جس نظارے توں اکھیاں نوں وار دی

 

عرشاں دی وی تجلی اے ڈُبی طواف وچ

دل دے جہان زلف اوہ رِشماں کھلار دی

 

حسان دے مزاج نوں مُرشد میں پھڑ لیا

جس در تے آ کے شاعری سجدے گزار دی

 

سینے تڑپھ تڑپھ کے ہے بت چُور کر گیا

جھلّی نہ جھال دل مِرے تیرے نکھار دی

 

پلکاں دا چرخہ کتدا اے ہنجواں دی پونیاں

لگدی اے گھُوک مینوں تے گل وات یار دی

 

رُت جہڑی تیرے در کھلی بن کے فقیرنی

اوسے دے پیر چُمے نیں رانی بہار دی

 

کوئل سُخن دی نعت دے اعجازؔ باغ وچ

کُو کُو بھلا کے ویکھ لے ہُو ہُو پکار دی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ