اردوئے معلیٰ

Search

گناہوں نے ہمیں اتنا ہے مارا یارسول اللہ

نہیں جز آپ کے کوئی سہارا یارسول اللہ

 

کٹھن حالات ہیں آتا نہیں ہے پوچھنے کوئی

رہائی ہو غموں سے اب خدارا یارسول اللہ

 

بھنور کا سامنا ہے ڈگمگانے والی کشتی کو

یہ ناؤ ڈھونڈتی ہے اب کنارا یارسول اللہ

 

ہمارے چار جانب ہے اندھیری رات کا منظر

نہیں آتا نظر کوئی سہارا یارسول اللہ

 

خدارا اپنے ازہرؔ پر نگاہِ لطف فرمائیں

مداوا جان کر اس نے پکارا یارسول اللہ

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ