اردوئے معلیٰ

Search

گھنڈ کملی دا چا غم بھلا لین دے

نقش نیناں نوں آقا پکا لین دے

 

والضحیٰ روپ چوں دے جھلک ذات دی

حج قضا نیں بڑے کر ادا لین دے

 

مینہ وسا لین دے زلف نوں مشک دا

جھوک سوچاں دی اجڑی وسا لین دے

 

کل نبی کہن اقصیٰ تے اک جھات پا

تاپ اودر دے ماہی گھلا لین دے

 

پیر چم لین دے چن فلک دا کہوے

چُوک دل دی غماں توں چھڑا لین دے

 

جام کوثر دا عرضاں کرے ساقیا

جھٹ کھلو نین مینوں رجا لین دے

 

جان قدماں تے اعجازؔ میں دے لواں

توڑ لگیاں تے آقا نبھا لین دے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ