اردوئے معلیٰ

Search

ہاتھ پھرتی سے چلا بھوکا کھڑا رہ جائے گا

بوٹیاں کھا جائیں گے سب شوربہ رہ جائے گا

 

کوئے جاناں کے لگا چکر نہ اتنے ورنہ پھر

چلتے چلتے تیرے جوتے کا تلا رہ جائے گا

 

کم یا زیادہ بولنا دونوں مضر ہیں دیکھ لے

یا گلہ رہ جائے گا یا پھر گلا رہ جائے گا

 

فیس لے لے گا تو کیا آنکھیں دکھائیں گے اسے

آنکھ کا ماہر بھی ہم کو دیکھتا رہ جائے گا

 

اپنے اپنے شعر پڑھ کر بھاگ جائیں گے سبھی

صدر محفل آخر شب بولتا رہ جائے گا

 

مت جلا دل اپنی زوجہ کا وگرنہ بیخبر

چائے کڑوی اور پراٹھا ادھ جلا رہ جائے گا

 

حادثہ یہ پارلر میں رونما ہونے کو ہے

آپ کی زلفوں کا باقی گھونسلہ رہ جائے گا

 

جب خزانے میں بچا ہو گا نہ کچھ بھی مُلک کے

’’صفحہء قرطاس پر نام خدا رہ جائے گا‘​‘​

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ