اردوئے معلیٰ

Search

ہرشے ہے نوربار مدینہ شریف میں

ہے لیل بھی نہار مدینہ شریف میں

 

ہر ذہن پر سکون ہے ہر آنکھ شاد کام

ہر دل کو ہے قرار مدینہ شریف میں

 

خیرات نور لینے کو آئے ہر ایک صبح

خورشید تابدار مدینہ شریف میں

 

یوں تو ہر ایک شہر میں مایوسیاں ملیں

ٹوٹا نہ اعتبار مدینہ شریف میں

 

شاہ و گدا، غلام، شہنشاہ، کوئی ہو

ہے سب کا تاجدار مدینہ شریف میں

 

جس کی عطا سے دونوں جہاں مستفیض ہیں

ہے وہ کرم شعار مدینہ شریف میں

 

اے کاش فخروشان سے کہتا پھرے کفیل

رہتا ہے خاکسار مدینہ شریف میں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ