ہر اک چوں نظر آؤندا اے معیار نبی دا
سوہنا تے بڑا اعلیٰ اے ہر یار نبی دا
عثمانؓ ، ابوبکرؓ، علیؓ، عمرؓ نیں جیہڑے
ہر کوئی ہے ودھ چڑھ کے وفادار نبی دا
کیتی ہی نئیں جان تے اموال دی پرواہ
اعلان کِتے ہویا جو اک وار نبی دا
ہے ٹاٹ کِسے پایا کِسے اِٹ دا سرہانہ
مِٹی تے کوئی سُتا اے شہکار نبی دا
غیراں نے ویں اپنایا قانون عمرؓ دا
منوایا اے لوکاں کولوں کِردار نبی دا
عرشاں توں مجیدؔ آئی اے تحسین دی آواز
سج دھج والا دنیا تے ہے دربار نبی دا
