اردوئے معلیٰ

ہر درد کی دوا ہے ہر مدعا محمد

ہر درد کی دوا ہے ہر مدعا محمد

دل کی صدا محمد دائم عطا محمد

 

سارا کلام اعلیٰ اکرام سارے عمدہ

درماں دکھوں کا احمد دل کی دوا محمد

 

کس سے رواں دواں ہے رحم و کرم کی ڈوری

لولاک کے وہ مالک صدرالعلا محمد

 

کُلّی امم کے ہادی رحم و کرم کے عادی

وردِ لساں ہے ہر دم صلِ علیٰ محمد

 

ارحم وہ عالموں کا سردار مرسلوں کا

ہر واسطہ محمد ہر سلسلہ محمد

 

ہر کوئی ہے سوالی وہ ہر کسی کا والی

سائل کے آسروں کا ہے آسرا محمد

 

وہ لا مکاں کے مہماں سارے دکھوں کا درماں

سائل کے دل کے ارماں وہ ہے مرا محمد

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ