اردوئے معلیٰ

ہر مَرَض کی دوا درود شریف

دافعِ ہر بلا درود شریف

 

ورد جس نے کِیا درود شریف

اور دل سے پڑھا درود شریف

 

حاجتیں سب روا ہوئیں اُس کی

ہے عجب کیمیا درود شریف

 

جو محبِ جنابِ احمد ہے

اُس کو مونس ہوا درود شریف

 

اے صبا تو ہی جا کے پہنچا دے

بر درِ مصطفی درود شریف

 

آپ کا سایہ حشر میں ہوگا

جس نے اکثر پڑھا درود شریف

 

آفتابِ سہپرِ ایمان ہے

گوہرِ پر ضیا درود شریف

 

توشئہ راہِ آخرت کیجیے

کافیء بے نوا درود شریف

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات