اردوئے معلیٰ

Search

ہم درد کے ماروں کا ہے کام صدا کرنا

سرکار ! کرم کرنا، دردوں کی دوا کرنا

 

فریاد کنندہ ہیں ، رکھتے ہیں خبر اتنی

ہے شانِ کرم اُن کی ، فریاد سنا کرنا

 

جب اَوج پہ حدّت ہو خورشید کی محشر میں

سرکار ! غلاموں پر رحمت کی ردا کرنا

 

لِلّٰہ ! غلاموں کو اب اِذنِ حضوری دیں

ان کے ہے فقط بس میں سرکار! دعا کرنا

 

ترقیم یہ مدحت کی، تلوار پہ چلنا ہے

محتاط بہت رہنا ! جب اُن کی ثنا کرنا

 

دامان کو بھرتے ہیں سرکار غلاموں کے

آتا ہو فقط در پر دامان کو وا کرنا

 

ہے جلیل نکمے کی سرکار ! یہی خواہش

’’ جب نزع کا وقت آئے دیدار عطا کرنا ‘‘

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ