اردوئے معلیٰ

Search

ہم درِ مصطفی پہ جائیں گے

خالی کشکول بھر کے لائیں گے

 

ہم زیاں کاروں، پُر خطاؤں کو

اپنے دامن میں وہ چھپائیں گے

 

دستِ رحمت سے پیاسی اُمت کو

آبِ کوثر وہ خود پلائیں گے

 

اُن کے انوار ظلمتِ شب میں

سِیدھا رستہ ہمیں دکھائیں گے

 

کفر کے بت کدوں میں جا کر ہم

حمد و نعتِ نبی سنائیں گے

 

حمد کے، نعت کے، درودوں کے

ظلمتوں میں دیے جلائیں گے

 

میرے گھر میں ظفرؔ! بوقتِ وصال

آپ تشریف لے کے آئیں گے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ