اردوئے معلیٰ

Search
ہم ہیں تمہارے تم ہو ہمارے
محمد پیارے
تم ہو چاند اور ہم ہیں تارے
محمد پیارے
سب سے اچھا دین تمہارا
حکم خدا آئین تمہارا
تم نے ہمارے ذہن سنوارے
محمد پیارے
پیار سکھایا عدل سکھایا
رنگ و نسل کا فرق مٹایا
دور کیے سارے اندھیارے
محمد پیارے
بندوں کو مولا سے ملایا
قطروں کو دریا سے ملایا
موڑے تم نے وقت کے دھارے
محمد پیارے
گمراہوں کو راہ دکھائی
قاتل بھی ٹھہرے شیدائی
تم جیتے اور دشمن ہارے
محمد پیارے
سنت اور قرآن پہ چل کے
کہلائیں شہکار عمل کے
مانگیں دعا ہم مل کے سارے
محمد پیارے
یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ