اردوئے معلیٰ

Search

ہنسنے والے اب ایک کام کریں

جشنِ گریہ کا اہتمام کریں

 

ہم بھی کرلیں جو روشنی گھر میں

پھر اندھیرے کہاں قیام کریں

 

مُجھ کو محرومیِ نظارہ قبول

آپ جَلوے نہ اپنے عام کریں

 

اک گزارش ہے حضرتِ ناصح

آپ اب اور کوئی کام کریں

 

آ چلیں اس کے در پہ اے دل

زندگی کا سفر تمام کریں

 

ہاتھ ہٹتا نہیں ہے دل سے خُماؔر

ہم اُنھیں کس طرح سَلام کریں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ